ຖໍ້າປູຄໍາ Claimed

ສະຖານທີ່ທ່ອງທ່ຽວ ຖໍ້າປູຄໍາ  ທີ່ຕັ້ງ  ຖ້ຳປູຄຳຕັ້ງຢູ່ ບ້ານນາທອງ , ເມຶອງວັງວຽງ , ແຂວງວຽງຈັນ ເຊິ່ງຫ່າງຈາກເທດສະບານເມືອງວັງວຽງ 3,5 ກິໂລແມັດ

ປະຫວັດຄວາມເປັນມາ:   ຈາກການສຳຫຼວດຂອງປະຊາຊົນທ້ອງຖິ່ນແລ້ວແມ່ນ ພົບເຫັນປາກຖ້ຳທີ່ຫ່າງຈາກໜ້າດິນປະມານ 100 ແມັດ, ຈະມີຮູເຂົ້ານ້ອຍໆ ແລະ ເຂົ້າໄປທາງໃນຈະເປັນຜົ້ງກວ້າງຂວາງ, ມີພະນອນ 1 ອົງ ແລະໄດ້ກ່າວກັນວ່າ ມີປູຄຳຄູ່ 1 ອາໄສຢູ່ໃນຖໍ້າ ແລະຫຼັງຈາກນັ້ນກໍ່ໄດ້ເອີ້ນຖໍ້ານັ້ນວ່າຖໍ້າປູຄໍາ, (ຖ້າໃຜໂຊກດີແມ່ນຈະໄດ້ພົບເຫັນປູຄຳນັ້ນ) ຢູ່ຕີນຜາທາງລຸ່ມແມ່ນມີຫ້ວຍນ້ຳໃສເຢັນທີ່ໄຫຼອອກມາຈາກຮູຜານັ້ນ ແລະ ເມື່ອນ້ຳກະທົບໃສ່ແສງແດດສີຂອງນ້ຳກໍ່ຈະກາຍເປັນສີຟ້າທີ່ມີຄວາມສວຍສົດງົດງາມຫຼາຍ.  

(ແຫຼ່ງຂໍ້ມູນ: ອົງການທ່ອງທ່ຽວແຫ່ງຊາດ)