ວັດພະບາດແອວຂັນ

ວັດພະບາດແອວຂັນ ມີພະລານຫີນທີ່ສວຍງາມ ແລະ ມີຕົ້ນໄມ້ສວຍງາມ ແລະ ຕົ້ນໄມ້ຮົ້ມເຢັນ ເໝາະແກ່ການພັກຜ່ອນຍ່ອນໃຈ, ຕັ້ງຢູ່ບ້ານນາຄວາຍ, ເມື່ອງໄຊທານີ ຫ່າງຈາກຕົວເມື່ອງວຽງຈັນ ປະມານ 30 ກິໂລແມັດ. ວັດດັ່ງກ່າວ ຖຶກຄົ້ນພົບໃນປີ 1936 ແລະ ໄດ້ຮັບການປະຕິສັງຂອນໃນປີ 1980 ເປັນຕົ້ນມາ, ມີເນື້ອທີ່ ກວ່າ 840 ເຮັກຕາ

ເຊິ່ງນອກຈາກນັ້ນເປັນບ່ອນກາບໄຫວັບູຊາແລ້ວ ຍັງມີສະຖານທີ່ ທ່ອງທ່ຽວທາງທຳມະຊາດ ທີ່ຫຼາກຫຼາຍພາຍໃນບໍລິເວນວັດນີ້ເຊັ່ນ: ພຣະລານຫີນ, ຖໍ້າງູຊວງມີຫີນເປັນຮູບຮ່າງຂອງງູ, ມີຫົວ, ຫາງ ແລະ ເກັດ, ລໍາຄີງຂອງໂຕງູຍາວເຖິງ 41 ແມັດ ແລະ ນໍ້າຕົກຕາດສູງປະມານ 430 ແມັດ. ສ່ວນລຸ່ມຂອງນໍ້າຕົກຕາດ ມີຮູບຮາງລັກສະນະຄືຮອຍຂອງພະບາດ ແລະ ສ່ວນເທິງເປັນຮູບລັກສະນະຄືຫົວຍັກ. ໜ້າສົນໃຈໄປກວ່ານັ້ນແມ່ນຖໍ້າຄູນເຊິງເປັນຖໍ້າທີ່ສ້າງຊື່ສຽງໃຫ້ແກ່ວັດແຫ່ງນີ້, ຢູ່ໃນຖໍ້າມີນໍ້າໃສ ແລະ ເຢັນພ້ອມປາດູກສັກສິດ 3 ໂຕ,

ເມື່ອຊາວພຸດທະສານະນິກະຊົນ ຜູ້ເຫຼື້ອມໃສສັດທາ ເຂົ້າໄປບູຊາ ເອົານໍ້າໃນຖໍ້ານີ້ມາດື່ມກໍ່ປະກົດວ່າຫາຍຈາກພະຍາດໂຣຄາ. ນັບແຕ່ປີ   ເປັນຕົ້ນມາ, ເພິ່ນໄດ້ຈັດງານບຸນພະບາດແອວຂັນຂື້ນໃນວັນທີ່ 8,9  ແລະ 10 ຂອງເດືອນ ທັນວາຂອງທຸກໆປີ. (ແຫຼ່ງຂໍ້ມູນ: ອົງການທ່ອງທ່ຽວແຫ່ງຊາດ).